PDA

View Full Version : شور مہ نو سن کر تجھ تک ميں دواں آيا



Attari1980
07-28-2009, 12:06 PM
ْشور مہ نو سن کر تجھ تک ميں دواں آيا
ساقی ميں ترے صدقے مے دے رمضاں آيا

اس گل کے سوا ہر گل باگوش گراں آيا
ديکھے ہی گی اے بلبل جب وقت فغاں آيا

جب بام تجلی پر وہ نير جاں آيا
سر تھا جو گرا جھک کر دل تھا جو تپاں آيا

جنت کو حرم سمجھا آتے تو يہاں آيا
اب تک کے ہر ايک کا منہ کہتا ہوں کہاں آيا

طيبہ کے سوا سب باغ پامال فنا ہونگے
ديکھو گے چمن والو جب عہد خزاں آيا

سر اور وہ سنگ در آنکھ اور وہ بزم نور
ظالم کو وطن کا دھيان آيا تو کہاں آيا

کچھ نعت کے طبقے کا عالم ہی نرالا ہے
سکتہ ميں پڑی ہے عقل چکر ميں گماں آيا

جلتی تھی زميں کيسی تھی دھوپ کڑی کيسی
لو وہ قد بے سايہ اب سايہ کناں آيا

طيبہ سے ہم آتے ہيں کہئے تو جناں والو!
کيا ديکھ کے جيتا ہے جو واں سے يہاں آيا

لے طوق الم سے اب آزاد ہو اے قمری
چٹھی لئے بخشش کی وہ سرو رواں آيا

نامہ سے رضا کے اب مٹ جاؤ برے کامو
ديکھو مرے پلہ پر وہ اچھے مياں آيا

بدکار رضاخوش ہو بد کام بھلے ہونگے
وہ اچھے مياں پيارا اچھوں کا مياں آيا