PDA

View Full Version : رونق بزم جہاں ہے عاشقان سوختہ



Attari1980
08-01-2009, 01:04 PM
رونق بزم جہاں ہے عاشقان سوختہ


رونق بزم جہاں ہے عاشقان سوختہ
کہہ رہی ہے شمع کی گویا زبان سوختہ
جس کو قرص مہر سمجھا ہے جہاں اے منعمو
ان کے خو ان جود سے ہے ایک نان سوختہ
ماہ من یہ نیر محشر کی گرمی تابکے
آتش عصیاں میں خود جلتی ہے جان سوختہ
برق انگشت نبی چمکی تھی اس پر ایک بار
آج تک ہے سینہ مہ میں نشان سوختہ
مہر عالم تاب جھکتا ہے پئے تسلیم روز
بیش ذرات مزار بیدلان سوختہ
کوچہ گیسوئے جاناں سے چلے ٹھنڈی نسیم
بال وپر افشاں ہوں یارب بلبلان سوختہ
بہر حق اے بحر رحمت اک نگاہ لطف بار
تابکے بے آب تڑپیں ماہیان سوختہ
روکش خورشید محشر ہو تمہارے فیض سے
اک شرار سینہ ٴ شیدائیان سوختہ
آتش تر دامنی نے دل کئے کیا کیا کباب
خضر کی جان ہو جلا دو ماہیان سوختہ
آتش گلہائے طیبہ پر جلانے کیلئے
جان کے طالب ہیں پیارے بلبلان سوختہ
لطف برق جلوہٴ معراج لایا وجد میں
شعلہ جوالہ ساں ہے آسمان سوختہ
اے رضا مضمون سوز دل کی رفعت نے کیا
اس زمین سوختہ کو آسمان سوختہ