PDA

View Full Version : حرز جاں ذکر شفاعت کیجئے



Attari1980
08-04-2009, 02:17 PM
حرز جاں ذکر شفاعت کیجئے

حرز جاں ذکر شفاعت کیجئے
نار سے بچنے کی صورت کیجئے
ان کے نقش پا پہ غیرت کیجئے
آنکھ سے چھپ کی زیارت کیجئے
ان کے حسن با ملاحت پر نثار
شیرہٴ جاں کی حلاوت کیجئے
ان کے در پہ جیسے ہو مٹ جائیے
نا توانو کچھ تو ہمت کیجئے
پھیر دیجئے پنجہ ٴ دیو لعیں
مصطفی کے بل پہ طاقت کیجئے
ڈوب کر یاد لب شاداب میں
آب کوثر کی سباحت کیجئے
یاد قامت کرتے اٹھئے قبر سے
جان محشر پر قیامت کیجئے
ان کے در پر بیٹھئے بن کر فقیر
بے نواؤ فکر ثروت کیجئے
جس کا حسن اللہ کو بھی بھاگیا
ایسے پیارے سے محبت کیجئے
حی باقی جس کی کرتا ہے ثنا
مرتے دم تک اس کی مدحت کیجئے
عرش پر جس کی کمانیں چڑھ گئیں
صدقے اس بازو پہ قوت کیجئے
نیم واطیبہ کے پھولوں پر ہو آنکھ
بلبلو پاس نزاکت کیجئے
سر سے گرتا ہے ابھی بار گناہ
خم ذرا فرق ارادت کیجئے
آنکھ تو اٹھتی نہیں دیں کیا جواب
ہم پہ بے پرسش ہی رحمت کیجئے
عذر بدتر از گناہ کا ذکر کیا
بے سبب ہم پر عنایت کیجئے
نعرہ کیجئے یارسول اللہ کا
مفلسو سامان دولت کیجئے
ہم تمہارے ہو کے کس کے پاس جائیں
صدقہ شہزادوں کا رحمت کیجئے
من رانی قد رای الحق جوکہے
کیا بیاں اس کی حقیقت کیجئے
عالم علم دو عالم ہیں حضور
آپ سے کیا عرض حاجت کیجئے
آپ سلطان جہاں ہم بے نوا
یاد ہم کو وقت نعمت کیجئے
تجھ سے کیا کیا اے مرے طیبہ کے چاند
ظلمت غم کی شکایت کیجئے
دربدرکب تک پھریں خستہ خراب
طیبہ میں مدفن عنایت کیجئے
ہر برس وہ قافلوں کی دھوم دھام
آہ سنیئے اور غفلت کیجئے
پھر پلٹ کر منہ نہ اس جانب کیا
سچ ہے اور دعوائے الفت کیجئے
اقربا حب وطن بے ہمتی
آہ کس کس کی شکایت کیجئے
اب تو آقا منہ دکھانے کا نہیں
کس طرح رفع ندامت کیجئے
اپنے ہاتھوں خود لٹا بیٹھے ہیں گھر
کس پہ دعوائے بضاعت کیجئے
کس سے کہئے کیا کیا کیا ہوگیا
خود ہی اپنے پر ملامت کیجئے
عرض کا بھی اب تو منہ پڑتا نہیں
کیا علاج درد فرقت کیجئے
اپنی اک میٹھی نظر کے شہد سے
چارہٴ زہر مصیبت کیجئے
دے خدا ہمت کی یہ جان حزیں
آپ پر واریں وہ صورت کیجئے
آپ ہم سے بڑھ کر ہم پر مہرباں
ہم کریں جرم آپ رحمت کیجئے
جو نہ بھولا ہم غریبوں کو رضا
یاد اس کی اپنی عادت کیجئے

sweet madina very lovely
08-04-2009, 11:39 PM
:bis
:saw
:ja