PDA

View Full Version : ایسا تجھے خالق نے طرح دار بنایا



Attari1980
08-15-2009, 03:36 PM
ایسا تجھے خالق نے طرح دار بنایا

ایسا تجھے خالق نے طرح دار بنایا
یوسف کو تیرا طالب دیدار بنایا

طلعت سے زمانہ کو پرانوار بنایا
نکہت سے گلی کوچوں کو گلزار بنایا

دیواروں کو آئینہ بناتے ہیں وہ جلوے
آئینوں کو جن جلوؤں نے دیوار بنایا

وہ جنس کیا جس نے جسے کوئی نہ پوچھے
اس نے ہی مرا تجھ کو خریدار بنایا

اے نظم رسالت کے چمکتے ہوئے مقتع
تو نے ہی اسے مطلع انوار بنایا

کونین بنائے گئے سرکار کی خاطر
کونین کی خاطر سرکار تمہیں سرکار بنایا

کنجی تمہیں دی اپنے خزانوں کی خدا نے
محبوب کیا مالک و مختار بنایا

اللہ کی رحمت ہے کہ ایسے کی یہ قسمت
عاصی کا تمہیں حامی و غمخوار بنایا

آئینہ ء ذات احدی آپ ہی ٹھرے
وہ حسن دیا ایسا طرحدار بنایا

انوار تجلی سے وہ کچھ حیرتیں چھائیں
سب آئینوں کو پشت بدیوار بنایا

عالم کے سلاطین بھکاری ہیں بھکاری
سرکار بنایا تمہیں سرکار بنایا

گلزار کو آئینہ کیا مونہہ کی چمک سے
آئینہ کو رخسار نے گلزار بنایا

یہ لذت پابوس کہ پتھر نے جگر میں
نقش قدم سید ابرار بنایا

خدام تو بندے ہیں ترے حسن خلق کے
پیارے تجھے بد خواہ کا غمخوار بنایا

بے پردہ وہ جب خاک نشینوں میں نکل آئے
ہر ذرہ کو خورشید پر انوار بنایا

اے ماہ عرب مہر عجم میں ترے صدقے
ظلمت نے مرے دن کو شب تار بنایا

اللہ کرم میرے بھی ویرانہء دل پر
صحرا کو ترے حسن نے گلزار بنایا

اللہ تعالٰی بھی ہوا اس کا طرفدار
سرکار تمہیں جس نے طرفدار بنایا

گلزار جناں تیرے لئے حق نے بنائے
اپنے لئے تیرا گل رخسار بنایا

بے یار و مددگار جنھیں کوئے نہ پوچھے
ایسوں کا تجھے یار و مددگار بنایا

ہر بات بد اعمالیوں سے میں نے بگاڑی
اور تم نے مرے بگڑی کو ہر بار بنایا

ان کے درندوں کا وہ صدقہ تھا کہ جس نے
ہر قطرہ ء نیساں در شہوار بنایا

اس جلوہ ء رنگین کا تصدق تھا کہ جس نے
فردوس کے ہر تختہ کو گلزار بنایا


اس روح مجسم کے تبرک نے مسیحا
جاں بخش تمھیں یوں دم گفتار بنایا

اس چہرہ ء نور کی وہ بھیک تجی جس نے
مہر و مہ و انجم کو پر انوار بنایا

ان ہاتھوں کا جلوہ تھا یہ اے حضرت موسٰی
جس نے ید بیضا کو ضیا بار بنایا

ان کے لب رنگین کی نچھاور تھی وہ جس نے
پتھر میں حسن لعل پر انوار بنایا۔

sweet madina very lovely
08-15-2009, 05:39 PM
:bis
:saw
:sub
:ma
:ja