PDA

View Full Version : اے خاک مدینہ تیرا کہنا کیا ہے



Attari1980
12-21-2009, 10:40 AM
اے خاک مدینہ تیرا کہنا کیا ہے

اے خاک مدینہ تیرا کہنا کیا ہے
تجھے قرب شاہ مدینہ ملا ہے

شرف مصطفٰے کے قدم چومنے کا
تجھے بارہا خاک طیبہ ملا ہے

معطر ہے کتنی تو خاک مدینہ
کہ خوشبوؤں سے ذرہ ذرہ بسا ہے

لگاؤ تم آنکھوں میں خاک مدینہ
کوئی اس سے بہتر بھی سرمہ بھلا ہے ؟

مریضو ! اٹھا کر کے خاک مدینہ
کو لے جاؤ اس میں یقیناً شفاء ہے

مدینے کی مٹی ذرا سی اٹھا کر
پیو گھول کر ہر مرض کی دوا ہے

عقیدت سے خاک مدینہ بدن پر
ملو کہ ہر اک درد کی یہ دوا ہے

تجھے واسطہ خاک طیبہ کا یارب
عطا کر غم مصطفٰے http://faizeraza.net/forum/images/smilies/pbuh.gif التجا ہے

ہمیں موت خاک مدینہ پر آئے
الٰہی یہ تجھ سے ہماری دعا ہے

مری نعش پر خوب خاک مدینہ
چھڑکنا مرے ساتھیو التجا ہے

پس مرگ مولٰی ملا دے مری خاک
کو خاک طیبہ میں یہ التجا ہے

بدن پر ہے عطار کے خاک طیبہ
پرے ہٹ جہنم تیرا کام کیا ہے