PDA

View Full Version : Likh rha hun naat e Sarwar sabz Gumbad lyrics



Attari1980
12-21-2009, 11:42 AM
لکھ رہا ہوں نعت سرور سبز گنبد دیکھ کر

لکھ رہا ہوں نعت سرور سبز گنبد دیکھ کر
کیف طاری ہے قلم پر سبز گنبد دیکھ کر

ہے مقدر یاوری پر سبز گنبد دیکھ کر
پھر نہ کیوں جھومے ثناگر سبز گنبد دیکھ کر

مسجد نبوی پہ پہنچے مرحبا صلی علی
ہو گیا جاری زباں پر سبز گنبد دیکھ کر

جوں ہی میں پہنچا مدینے کی گلی میں بے قرار
آنکھ میری ہو گئی تر سبز گنبد دیکھ کر

روح کو تسکین جاں مضطرب کو چین ہے
دل کو بھی راحت میسر سبز گنبد دیکھ کر

ان کے منگتے ان کے سائل دو جہاں کی نعمتیں
مانگتے ہیں ہاتھ اٹھا کر سبز گنبد دیکھ کر

آپ سے بس آپ ہی کو مانگتا ہے یانبی
آپ کا ادنٰی گداگر سبز گنبد دیکھ کر

لندن و پیرس کا عاشق بھی یقیناً مرحبا !
بول اٹھے گا روح پرور سبز گنبد دیکھ کر

دھوپ روزانہ مدینہ چومتی ہے جھوم کر
اور لپٹ جاتی ہے آ کر سبز گنبد دیکھ کر

چوم لیتا ہے مدینہ روز آ کر آفتاب
اور لپٹ جاتا ہے آ کر سبز گنبد دیکھ کر

ٹوٹ جائے دم مدینے میں مرا یارب ! بقیع
کاش ہو جائے میسر سبز گنبد دیکھ کر

جب جدائی کی گھڑی آتی ہے تو کوہ اعلم
ٹوٹ پڑتا ہے دلوں پر سبز گنبد دیکھ کر

آپ کی گلیوں کے کتے مجھ سے تو اچھے رہے
ہے سکوں ان کو میسر سبز گنبد دیکھ کر

وقت رخصت خون اگلتے تھے مرے قلب و جگر
آنکھ رو پڑتی تھی اکثر سبز گنبد دیکھ کر

میرے مرشد نے گزارے ہیں مدینے میں برس
ان کی رحمت سے ستتر سبز گنبد دیکھ کر

یارسول اللہ مرشد پہ کرم ہو بے شمار
سوئے ہیں قدموں میں آ کر سبز گنبد دیکھ کر

آہ اے عطار اتنا بھی نہ تجھ سے ہو سکا
جان کر دیتا نچھاور سبز گنبد دیکھ ک

AHB
01-04-2010, 10:13 AM
Jazakallah very nice

Administrator
02-15-2010, 09:52 PM
:ja :sub

Talib-e-Haq
02-20-2010, 03:26 PM
:sub very beautiful Naat Shareef

Abdul Basit
02-23-2010, 03:09 PM
:ja :sub

Administrator
09-06-2019, 12:03 AM
سبحان اللہ ماشاء اللہ