PDA

View Full Version : کیسے نبی سے دور زمانہ گزار دوں



Attari1980
01-25-2010, 09:41 AM
کیسے نبی سے دور زمانہ گزار دوں
کس طرح روح کو خلشِ نوکِ خار دوں

اے دل تجھے وہ دولت صد افتخار دوں
عشقِ رسول ِ پاک کا جذبہ ابھار دوں

پھر کشت زندگی کو نویدِ بہار دوں
یعنی درِ رسول پہ عمر گزار دوں

اک جان کیا ہے شانِ محمد کے سامنے
ایسی ہزار جانیں بھی میں اس پہ وار دوں

مجھ کو یقین ہے میرے نبی مان جائیں گے
بخشش کو میں جو واسطہ چار یار دوں

صابر یہی لگن ہے میرے دل میں روز و شب
نعتِ نبی سے ذوق ِ سخن نکھار دوں