Advanced Search
 
+ Reply to Thread
Results 1 to 4 of 4
  1. #1
    Super Moderator Attari1980's Avatar
    Join Date
    Jul 2008
    Location
    Rawalpindi, Pakistan
    Posts
    1,871

    Default محمد مظہر کامل ہے حق کی شان عزت کا

    محمد مظہر کامل ہے حق کی شان عزت کا
    نظر آتا ہے اس کثرت ميں کچھ انداز وحدت کا

    يہی ہے اصل عالم مادہ ايجاد خلقت کا
    يہاں وحدت ميں برپا ہے عجب ہنگامہ کثرت کا

    گدا بھی منتظر ہے خلد ميں نيکوں کی دعوت کا
    خدا دن خير سے لائے سخی کے گھر ضيافت کا

    گنہ مغفور، دل روشن، خنک آنکھيں، جگر ٹھنڈا
    تعالٰی اللہ! ماہ طيب عالم تيری طلعت کا

    نہ رکھی گل کے جوش حسن نے گلشن ميں جا باقی
    چٹکتا پھر کہاں غنچہ کوئی باغ رسالت کا

    بڑھا يہ سلسلہ رحمت کا دور زلف والا ميں
    تسلسل کالے کوسوں رہ گيا عصياں کی ظلمت کا

    صف ماتم اٹھے خالی ہو زنداں ٹوٹيں زنجيريں
    گنہگارو چلو مولٰی نے در کھولا ہے جنت کا

    سکھايا ہے يہ کس گستاخ نے آئينہ کا يارب
    نظارہ روئے جاناں کا بہانہ کرکے حيرت کا

    ادھر امت کی حسرت پر ادھر خالق کی رحمت پر
    نرالا طور ہوگا گردش چشم شفاعت کا

    بڑھيں اس درجہ موجيں کثرت افضال والا کی
    کنارہ مل گيا اس نہر سے دريائے وحدت کا

    خم زلف نبی ساجد ہے محراب دو ابرو ميں
    کہ يارب توہی والی ہے سيہ کاران امت کا

    مدد اے جوشش گريہ بہادے کوہ اور صحرا
    نظر آجائے جلوہ بے حجاب اس پاک تربت کا

    ہوئے کمخوابی ہجراں ميں ساتوں پردے کمخوابی
    تصور خوب باندھا آنکھوں نے استار تربت کا

    يقيں ہے وقت جلوہ لغزشيں پائے نگہ پائے
    ملے جوش صفائے جسم سے پابوس حضرت کا

    يہاں چھڑ کا نمک واں مرہم کافور ہاتھ آيا
    دل زخمی نمک پروردہ ہے کس کی ملاحت کا

    الہٰی منتظر ہوں وہ خرام ناز فرمائيں
    بچھا رکھا ہے فرش آنکھوں نے کمخواب بصارت کا

    نہ ہو آقا کو سجدہ آدم و يوسف کو سجدہ ہو
    مگر سد ذرائع داب ہے اپنی شريعت کا

    زبان خار کس کس درد سے ان کو سناتی ہے
    تڑپنا دشت طيبہ ميں جگر افگار فرقت کا

    سرہانے ان کے بسمل کے يہ بيتابی کا ماتم ہے
    شہ کوثر ترحم تشنہ جاتا ہے زيارت کا

    جنہيں مرقد ميں تا حشر امتی کہہ کہ پکارو گے
    ہميں بھی ياد کرلو ان ميں صدقہ اپنی رحمت کا

    وہ چمکيں بجلياں يارب تجلی ہائے جاناں سے
    کہ چشم طور کا سرمہ ہو دل مشتاق رويت کا

    رضائے خستہ! جوش بحر عصياں سے نہ گھبرانا
    کبھی تو ہاتھ آجائے گا دامن ان کی رحمت کا
    [/PHP]



    Now in new Look. Kindly see and jion
    http://www.razaemuhammad.co.cc

  2. #2

  3. #3

  4. #4

Thread Information

Users Browsing this Thread

There are currently 1 users browsing this thread. (0 members and 1 guests)

Posting Permissions

  • You may not post new threads
  • You may post replies
  • You may not post attachments
  • You may not edit your posts
  •  

taucheruhrdirekt.com