Advanced Search
 
+ Reply to Thread
Results 1 to 10 of 10
  1. #1
    Super Moderator Attari1980's Avatar
    Join Date
    Jul 2008
    Location
    Rawalpindi, Pakistan
    Posts
    1,871

    Default مرادیں مل رہی ہیں شاد شاد ان کا سوالی ہے

    مرادیں مل رہی ہیں شاد شاد ان کا سوالی ہے

    مرادیں مل رہی ہیں شاد شاد ان کا سوالی ہے
    لبوں پہ التجا ہے ہاتھ میں روضے کی جالی ہے

    تری صورت تری سیرت زمانے سے نرالی ہے
    تری ہر ہر ادا پیارے دلیل بے مثالی ہے

    بشر ہو یا ملک جو ہے ترے در کا سوالی ہے
    تری سرکار والا ہے ترا دربار عالی ہے

    وہ جگ داتا ہو تم سنسار باڑے کا سوالی ہے
    دیا کرنا اس منگتے نے بھی گدڑی بچھالی ہے

    منور دل نہیں فیض قدوم شہ سے روضہ ہے
    مشبک سینہء عاشق نہیں روضہ کی جالی ہے

    تمھارا قامت یکتا ہے اکا بزم وحدت کا
    تمھاری ذات بے ہمتا مثال بے مثالی ہے

    فروغ اختر بدر آفتاب جلوہء عارض
    ضیائے طالع بدر ان کا ابروئے ہلالی ہے

    وہ ہیں اللہ والے جو تجھے والی کہیں اپنا
    کہ تو اللہ والا ہے ترا اللہ والی ہے

    سہارے نے ترے گیسو کے پھیرا ہے بلاؤں کو
    اشارے نے ترے ابرو کے آئی موت ٹالی ہے

    نگہ نے تیر زحمت کے دل امت سے کھنچے ہیں
    مژہ نے پھانس حسرت کی کلیجہ سے نکالی ہے

    فقیروں بے نواؤ اپنی اپنی جھولیاں بھرلو
    کہ باڑا بٹ رہا ہے فیض پر سرکار عالی ہے

    تجھی کو خلعت یکتائی عالم ملا حق سے
    ترے ہی جسم پہ موزوں قبائے بے مثالی ہے

    نکالا کب کسی کو بزم فیض عام سے تم نے
    نکالی ہے تو آنے والوں کی حسرت نکالی ہے

    بڑھے کیونکر نہ پھر شکل اسلام کی رونق
    ہلال آسمان دیں تری تیغ ہلالی ہے

    فقط اتنا سبب ہے انعقاد بزم محشر کا
    کہ ان کی شان محبوبی دکھائی جانے والی ہے

    خدا شاہد کہ روز محشر کا کھٹکھا نہیں رہتا
    مجھے جب یاد آتا ہے کہ میرا کون والی ہے

    اتر سکتی نہیں تصویر بھی حسن سراپا کی
    کچھ اس درجی ترقی پر تمہاری بیمثالی ہے

    نہیں محشر میں جس کو دسترس آقا کے دامن تک
    بھرے بازار میں اس بینوا کا ہاتھ خالی ہے

    نہ کیوں ہو اتحاد منزلت مکہ مدینہ میں
    وہ بستی ہے نبی والی تو یہ اللہ والی ہے

    شرف مکہ کی بستی کو ملا طیبہ کی بستی سے
    نبی والی ہی کے صدقے وہ اللہ والی ہے

    وہی والی وہی آقا وہی وارث وہی مولٰی
    میں ان کے صدقے جاؤں اور میرا کون والی ہے

    پکار اے جان عیسٰی سن لو اپنے خستہ حالوں کی
    مرض نےدرد مندوں کی غضب میں جان ڈالی ہے

    مرادوں سے تمہیں دمان بھرو گے نامرداوں کے
    غریبوں بیکسوں کا اور پیارے کون والی ہے

    ہمیشہ تم کرم کرتے ہو بگڑے حال والوں پر
    بگڑ کر مری حالت نے مری بگڑی بنا لی ہے

    تمھارے در تمھارے آستاں سے میں کہاں جاؤں
    نہ کوئی مجھ سا بیکس ہے نہ کوئی تم سا والی ہے

    حسن کا درد دکھ موقوف فرما کر بحالی دو
    تمھارے ہاتھ میں دنیا کی موقوفی بحالی ہے
    [/PHP]



    Now in new Look. Kindly see and jion
    http://www.razaemuhammad.co.cc

  2. #2
    Senior Member
    Join Date
    Sep 2008
    Posts
    190

    Default


  3. #3
    Senior Member Owais021's Avatar
    Join Date
    Oct 2008
    Location
    Karachi, Pakistan
    Posts
    318

    Default

    JazakAllah Khair Buhat khoob...

  4. #4

    Default

    JazakALLAH Kheir... Buhat Pyari Naat shareef hai.

  5. #5

    Default

    great sharing brother

  6. #6

  7. #7

    Default

    MashaAllah very nice sharing

  8. #8
    Senior Member
    Join Date
    Aug 2008
    Posts
    257

    Default


  9. #9

  10. #10
    Senior Member imranattari's Avatar
    Join Date
    Feb 2011
    Posts
    202

    Default

    سبحان اللہ


Thread Information

Users Browsing this Thread

There are currently 1 users browsing this thread. (0 members and 1 guests)

Posting Permissions

  • You may not post new threads
  • You may post replies
  • You may not post attachments
  • You may not edit your posts
  •