روایت ہے حضرت ابو امامہ سے کہ ایک شخص نے عرض کیا یارسول الله ﷺ

ماں باپ کا اپنی اولاد پر کیا حق ہے فرمایا وہ دونوں تیری جنت اور آگ ہیں ۱؎

(ابن ماجہ)

۱؎ یعنی تیرے ماں باپ تیرے لیے جنت دوزخ میں داخلہ کا سبب ہیں کہ انہیں خوش رکھ کر تو جنتی بنے گا انہیں ناراض کرکے دوزخی،یہ فرمان عالی وعدہ وعید دونوں کا مجموعہ ہے اگرچہ یہاں خطاب بظاہر خاص ہے مگر حکم تا قیامت عام ہے۔
مرآۃ المناجیح شرح مشکوٰۃ المصابیح جلد ششم